Kryetari i Prizrenit Mytaher Haskuka, vizitoi sot Nënstacionin e Zjarrfikësve në fshatin Gjonaj, i cili u funksionalizua muajin e kaluar, së bashku me dy nënstacionet tjera në fshatin Zhur dhe Reçanë
“Ky nënstacion do të shërbejë për gjithë rajonin e Hasit dhe ka kapacitete që të ofrojë shërbime dhe intervenime të shpejta dhe cilësore aty ku do këtë nevojë. Komuna përveç rritjes së numrit të zjarrfikësve nga 25 në 55, Shërbimin e Zjarrfikësve e kemi pajisur edhe me një automjet të ri dhe efikas për fikjen e zjarrit”, tha Haskuka.
“Me këto projekte, kemi arritur që të ngrisim efikasitetin e shërbimeve të ofruara për sigurinë e qytetarëve të komunës sonë, si dhe kemi përmirësuar kushtet e punës për zjarrfikësit tanë, të cilët po e kryejnë një punë sakrifikuese e vetëmohuese”.
