Kryetari i Prizrenit, Mytaher Haskuka, tregon se objektet e Komunës të cilat ishin përdorë nga partitë politik po iu kthehen qytetarëve.
“Objektet e Komunës së Prizrenit, që janë përdorur duke u paguar vetëm nga 1 euro, e madje edhe pa kontrata nga ana e partive politike, tashmë i kemi liruar dhe po ia kthejmë komunitetit”, shkruan Haskuka.
“Këto hapësira në qendër të qytetit, tani po i shndërrojmë në hapësira komunale për promovimin e produkteve vendore e artizanale, promovimin e turizmit dhe realizimin e aktiviteteve kulturore”.
“Po ashtu këto objekte do të jenë në shërbim të atyre që kanë nevojë më së shumti, personave me nevoja të veçanta, pensionistëve, por edhe të libërdashësve”.
/PrizrenPress.com/
