Gjendja shëndetësore e dy të plagosurve në tentim-grabitjen e mbrëmjes së kaluar në Prizren është nën kontroll.
Kështu tha për Klankosova.tv drejtori i Spitalit Rajonal të Prizrenit Afrim Avdaj.
Avdaj tha se gjendja e dy pacientëve është stabile.
Ai tha se 61 vjeçari i cili është pronar i argjendarisë e cila u sulmua nga grabitësit, i është nënshtruar një operacioni, kurse sot pritet që operacionit t’i nënshtrohet edhe djali i tij.
“Pacienti i cili është në repartin e urologjisë, iu është nënshtruar ndërhyrjes kirurgjike (61 vjeçari), është në gjendje stabile dhe është jashtë rrezikut për jetë. Pacienti i dytë (28 vjeç) ka lëndim në këmbën e majtë dhe pritet të i nënshtrohet një operacioni. Të dy janë në gjendje stabile”.
Mbrëmjen e së hënës është raportuar për një tentim grabitjeje në një argjendari në Prizren nga tre persona të armatosur.
Nga ky sulm kishin mbetur të plagosur pronari i argjendarisë dhe djali i tij.