Presidenti turk Rexhep Tajip Erdogan i bëri thirrje homologut të tij rus Vladimir Putin për një armëpushim dhe kushte më të mira humanitare për civilët, pas pushtimit rus të Ukrainës. Kjo i u bë e ditur nga zyra e shtypit e presidentit turk, pas jë bisede telefonike të këtij të fundit me homologun rus.
“Erdogan vuri në dukje rëndësinë e një armëpushimi midis Rusisë dhe Ukrainës, zbatimin e paqes dhe përmirësimin e kushteve humanitare në rajon”, tha zyra e tij.
“Presidenti Erdogan deklaroi se Turqia do të vazhdojë të japë çdo lloj mbështetje në lidhje me procesin”, shkroi në Tëitter të dielën zyra e presidentit turk, sipas të cilës, Putin dhe Erdogan ranë dakord për mbajtjen e raundit tjetër të bisedimeve të paqes midis Rusisë dhe Ukrainës në Stamboll.