Real Madrid-i e fitoi për herë të 14-të Ligën e Kampionëve, ku në mbrëmjen e kaluar e mposhti Liverpool-in në finale me rezultat 1:0.
Par ndeshjes, presidenti i Real-it, Florentino Perez, ka folur për suksesin e Real-it, në Ligën e Kampionëve, si dhe ka siguruar tifozët se Kylian Mbappe tani është i harruar.
Mbappe ishte pranë transferimit në Madrid gjatë kësaj vere, por në fund ai i la të gjithë gojëhapur, duke zgjedhur të rinovojë me Parisin.
“Jam i qetë dhe i lumtur, të gjithë kemi punuar shumë gjatë gjithë sezonit për të arritur një situatë si kjo në të cilën jemi”, ka thënë Perez.
“Real Madrid-i do të vazhdojë gjithmonë të punojë që të ketë lojtarët më të mirë, por Mbappe tashmë është harruar”, shtoi presidenti i Real-it.
“Asgjë nuk ka ndodhur, Real Madrid-i ka pasur një sezon perfekt dhe kjo është një çështje e harruar, ka vetëm një festë të Real Madridit”.
Në vazhdim, i pari i klubit mbretëror, foli edhe për suksesin e sivjetmë të Real-it në Champions.
“Këtë vit kemi pasur një sezon të mirë. Kemi luajtur me të gjitha skuadrat më të mira dhe i kemi mposhtur njëra pas tjetrës”.
“Është një Ligë e Kampionëve shumë e merituar, është rezultat i lojtarëve, trajnerit dhe tifozëve, këta lojtarë janë ndihmuar nga tifozët”, përfundoi presidenti i Real Madridit.
/Albanianpost.com