Pas largimit të Erling Haaland, Dan-Alex Zagadou, Alex Witsel dhe Roman Burki, dera e largimeve të lojtarëve te Borussia Dortmund-i është ende e hapur.
Verdhezinjtë kërkojnë të largojnë të paktën edhe gjashtë lojtarë të tjerë nga skuadra e tyre.
Sipas raportimeve që vijnë nga “Sky Germany”, Nico Schulz, Manuel Akanji, Thorgan Hazard dhe Julian Brandt u është thënë se do të shiten nëse vjen një ofertë e kënaqëshme për ta.
Kjo pasi ata nuk do të kenë rol thelbësor në skuadër për sezonin e ardhshëm.
Më parë është raportuar se Raphael Guerreiro dhe Felix Passlack janë të lirë të largohen nga “Signal Iduna Park”.
Ndërkohë, Dortmund-i deri më tani ka arritur të afrojë Niklas Sule, Karim Adeyemi, Sebastien Haller, Nico Schlotterbeck dhe Sali Ozcan.
Gjithashtu janë në bisedime me Hoffenheim-in për David Raum. Mbrojtësi i majtë kushton 40 milionë euro, ndaj dhe verdhezinjtë po përpiqet të shesin për të siguruar të ardhurat.
/Albanianpost.com