Tashmë edhe zyrtarisht, Barcelona ka njoftuar rinovimin e kontratës me talentin e tyre, Gavi-n deri në verën e vitit 2026.
Pas shumë muajsh negociatash dhe pritjes për zgjidhjen e problemeve të “Fair Play”, Barcelona njoftoi këtë të mërkurë se Gavi do të nënshkruajë rinovimin e kontratës me klubin, këtë të enjte, në orën 18:00, në “Camp Nou”, në prani të mediave.
Palët kishin arritur një marrëveshje korrikun e kaluar, por Gavi duhej të mbushte 18-vjeç (i mbushi më 5 gusht), pasi pa qenë në moshë madhore nuk mund të firmoste kontratë profesionale.
Largimi i Pjanic-it në Emiratet e Bashkuara Arabe krijoi hapësira financiare për zyrtarizuar rinovimin e rënë dakord me mesfushorin spanjoll.
Me kontratën e tij të re, përveç se do të ketë një pagë më të lartë, Gavi do të hyjë në klubin e lojtarëve me klauzolë largimi 1 miliard euro.
/Albanianpost.com