Bredhi në qendër të Prizrenit është fotografuar i rrëzuar.
Një fotografi e tillë është duke u shpërndarë në rrjetet sociale, në veçanti në Facebook.
Dikush e publikoi me mbishkrimin: “Po sot Prizren, m’thuej si je. Porsi nji bredh, i rrzuem perdhe”.
Në këto shpërndarje të kësaj fotografie janë dhënë versione të ndryshme se kush e rrëzoi këtë bredh. Mbizotëron dyshimi se atë e bënë grupe radikale islame në kundërshtim të festes së Viti të Ri.
Një kundërshti të kësaj feste nga element radikal të islamit e kemi parë javës që shkoi me shfaqjen e disa posterave në Prishtinë e Shkup, ku një person me mjekër e grushton Babadimirin.
Por krejt këto dyshime i hedh poshtë Hasan Hasani, Drejtor i Shërbimeve Publike në Komunën e Prishtinës.
“Bredhin e ka rrëzuar era dhe s’ka ndonjë faktor tjetër”, thotë Hasani për Express duke treguar se tashmë ai është ri-vendosur në pozitën e tij.