Kryetari i Komunës së Prizrenit, Shaqir Totaj, së bashku me kryesuesen e Kuvendit Komunal, Antigona Bytyqi, në kuadër të muajit dhjetor “Muajit të ndërgjegjësimit për personat me aftësi të kufizuar”, takuan sot qytetarët në Qendrën “Handikos-Prizren”.
Në njoftimin e komunës thuhet se i diskutuan të gjitha sfidat me të cilat ballafaqohen personat me aftësi të kufizuar në Komunën e Prizrenit dhe për mundësinë e bashkëpunimit për lehtësimin dhe eliminimin e pengesave të tyre.
“Në vazhdën e projekteve zhvillimore, është krijuar edhe grupi punues për realizimin e “Planit/Strategjisë Komunale për Persona me Aftësi të Kufizuar në Komunën e Prizrenit” që do t’i trajtoj me seriozitet të gjitha kërkesat për lehtësimin e jetës së secilit në Komunën tonë”, thuhet në njoftim./PrizrenPress.com