Fillimisht Partia Demokratike e më pas inciativa qyterare, kanë kërkuar që qytetarët të kenë mundësi të tërhiqin edhe njëherë një përqindje të caktuar të kursimeve të Trustit Pensional.
Qeveria dhe deputetët e shumicës kanë qenë kategorik kundër kësaj kërkesë duke e cilësuar si të motivuar politikisht dhe jo kërkesë ë qytetarëve.
Ndërsa që hulumtimi i UBO CONSULTING për nevoja të emisionit EURO n’7 tregon se 84.4% e qytetarëve kanë votuar pro tërheqjes së sërishme të një përqindje të Trustit Pensional.
Profesor Mustafë Kadrijaj, duke komentuar këto të dhëna shtoi se qeveria për inate politike nuk ka lejuar tërhqjen e një përqindje të Trustit Pensional, ndërsa shifra e dala nga hulumtimi tregonë nevojën jashtëzakonisht të madhe të qytetarëve për të pasur më shumë mjete për të kaluar muajin.
Në anën tjetër ekonomisti Valon Prestreshi pohon se tërheqja e një përqindje të trustit dëmton sistemin pensional por që qytetarët kanë shtruar këtë kërkesë për shkak të paaftësisë së qeverisë për të reaguar me masa adekuate si ulja e TVSH apo largimi i përkohshëm i akcizës, për përballje me rritjen enorme të çmimeve.