16 C
Prizren
E diel, 8 Qershor, 2025

Agim Ademi dhuron një shtëpi për një familje në nevojë: Po e kryejmë këtë mision fisnik për vendin dhe popullin tonë

Kryetari i Federatës së Futbollit të Kosovës, Agim Ademi ka marrë pjesë të mërkurën mbrëma në ceremoninë e 13-vjetorit të themelimit të Shoqatës Bamirëse “Jetimat e Ballkanit”, e drejtuar nga bëmirësi Halil Kastrati.

Ademi në Facebook ka njoftuar se ka dhuruar një shtëpi për një familje nevojtare në fundvit.

I pari i shtëpisë së futbollit të Kosovës tha se këtë mision po e kryen për vendin dhe popullin e Kosovës.

Ademi në llogarinë e vet ka plasuar një fotografi ku shihet i shoqëruar në këtë ceremoni nga kryetari i Shoqatës Bamirëse “Jetimat e Ballkanit”, Halili Kastratin dhe kryetari i Komunës së Suharekës, Bali Muharremaj të cilët i falënderoi.

Postimi i plotë i Ademit:

Sonte kisha kënaqësinë të marrë pjesë në ceremoninë e 13-vjetorit të themelimit të Shoqatës Bamirëse “Jetimat e Ballkanit”.

Njëherësh u ndjeva jashtëzakonisht i lumtur që përmes kësaj shoqate e dhurova një shtëpi për familjet në nevojë, teksa familjes të cilës ia dorëzova çelësat e kësaj shtëpie i dëshirova jetë të lumtur, harmoni dhe begati.

Jam i nderuar që së bashku me shumë donatorë tjerë jemi pjesë e shoqatës “Jetimat Ballkanit” dhe së bashku nën udhëheqjen e Halil Kastrati po e kryejmë këtë mision fisnik për vendin dhe popullin tonë.

Kur ke mundësi të bësh vepra të tilla, ndjenja është e papërshkrueshme.

Shpresoj që në të ardhmen të kemi sa më shumë donatorë për ndërtimin e shtëpive për familjet në nevojë, pasi kësisoj kontribuojmë edhe në zhvillimin e gjithmbarshëm të vendit.

Po ashtu, falënderoj edhe kryetarin e Komunës së Suharekës, Bali Muharremaj , i cili mundësoi që në këtë qytet të bëhet kjo mrekulli.

#JetimateBallkanit

#Shtëpipërçdofamilje

Më Shumë

Profesori dyshohet se goditi kolegen në Universitetin “Ukshin Hoti”, rasti nën hetim për lëndim të lehtë trupor

Një punonjës akademik i Universitetit “Ukshin Hoti” në Prizren dyshohet se të martën ka goditur një punonjëse akademike gjatë mbajtjes së një mbledhjeje në...

Sot besimtarët myslimanë kremtojnë Kurban-Bajramin

Besimtarët myslimanë në të gjithë botën festojnë sot ditën e parë të Kurban-Bajramit. Manifestimi qendror për territorin e Kosovës mbahet në “Xhaminë e Madhe” në...

Lajmet e Fundit