Sipas një studimi të ri, Cristiano Ronaldo, po fiton 450 mijë euro për postim në Instagram nga ndjekësit e rremë.
Portugezi u largua nga Manchester United në nëntor, gjersa aktualisht është duke luajtur për Al-Nassr në Arabinë Saudite.
Ronaldo është bërë personi i parë që ka arritur 500 milionë ndjekës në Instagram, duke e bërë atë personin më të njohur në botë.
Foto: Screenshot/Instagram
Megjithatë një studim nga Livefootballtickets.com zbulon se ylli i futbollit fiton shumë edhe nga ndjekësit falsë.
Dhe kjo do të thotë se ai po fiton 450 mijë euro prej tyre, një shumë mjaft tërheqëse.
Cristiano prej disa kohësh është personi më i ndjekur në Instagram.
Në shtator 2021, Instagrami i tij u bë llogaria më e ndjekur pasi arriti 237 milionë të tillë.
Lionel Messi ndërkaq qëndron në vendin e dytë me 376 milionë ndjekës. /Telegrafi/
View this post on Instagram