Kapiteni i Barcelonës, Sergio Busquets thotë se ka marrë një vendim në lidhje me të ardhmen e tij dhe së shpejti do ta informojë klubin.
Busquets, 34 vjeç, bëhet agjent i lirë këtë verë dhe ka një ofertë për të vazhduar te Barcelona edhe për një vit, me një vit të dytë opsional në varësi të ndeshjeve të luajtura.
I pyetur nëse kishte marrë një vendim për të ardhmen e tij, mesfushori tha: “Pak a shumë. Tani kemi disa ditë pushim dhe kur të kthehem do t’i tregoj trajnerit për vendimin tim”.
Është raportuar interesim për Busquets nga skuadra e MLS, Inter Miami dhe klubi i Arabisë Saudite, Al Nassr.
Ish-reprezentuesi spanjoll, i cili ka bërë mbi 700 paraqitje për Barcelonën, u tërhoq nga detyra ndërkombëtare pas Kupës së Botës 2022 në Katar.
