Policia e Kosovës njoftoi se një personi në Prizren i është vjedhur çanta e krahut, në të cilën kishte para të gatshme, telefon dhe dokumente personale.
Në njoftimin policor thuhet se rasti ka ndodhur të hënën në orën 08:30, ku viktima më pas ka marrë trajtim mjekësor.
Në vendin e ngjarjes kanë dalë ekipet policore dhe po e trajtojnë rastin.
“Viktima mashkull kosovar ka raportuar se një person i panjohur ia kishte vjedhur çantën e krahut në të cilën sipas viktimës kishte para të gatshme, një telefon celular dhe dokumente personale. Si pasojë viktima ka pranuar tretman mjekësor. Njësitë relevante policore kanë dalë në vendin e ngjarjes dhe janë duke e hetuar rastin”, thuhet në njoftim.
Rasti është iniciuar si “vjedhje grabitqare”.