Oda e Ndërmarrësve dhe Zejtarëve të Prizrenit ka përmbyllur vitin 2023 me shumë aktivitete.
Kryetari i saj, Afrim Tejeci tha se për t’i arritur objektivat e përcaktuara shpeshherë është punuar edhe ditëve të vikendit.
“Ka qenë një vit i ngarkuar me aktivitete dhe shumë suksese”, tregon ai.
Sipas tij, “Oda”, gjithmonë ishte e gatshme në çdo kohë për t’i përkrahur të bizneset.
“Kemi organizuar trajnime, konferenca, seminare, panaire etj”.
“Kemi mbajtur mbi 38 trajnime të anëtarëve tanë, si brenda dhe jashtë vendit”.
“Sipas marrëveshjeve me donatorë kemi vazhduar me vizita studimore, brenda dhe jashtë shtetit”.
Shkolla Fillore “Loyola” shpall konkurs për një mësimdhënës/e të mësimit klasor
Tejeci tregon se gjatë këtij viti, janë realizuar shumë vizita të punës në shkollat profesionale.
“Oda’ përmes anëtarëve të saj ishte pjesë e shumë komisioneve, si nivel lokale, po ashtu qendrore”.
Kryetari Tejeci preton se “Oda” e Prizrenit do të vazhdojë me projekte edhe në vitin 2024.
“Dua të ju njoftoj se sukseset e ODA-së nuk do të ndalen”, shprehet ai.
Sipas tij, tashmë është formuar Këshilli Nismëtar për themelimin e Odës së Zejtarëve të Kosovës.
“Oda’ e Zejtarëve të Kosovës do të jetë faktor i rëndësishëm për zhvillimin e jetës ekonomike-politike dhe sociale”.
“Themelimi i saj do të mundësojë ringjalljen dhe vazhdimin e traditës se zejtarisë”, shprehet ai./PrizrenPress.com/