Një eurodeputet gjerman ka paraqitur një pyetje në Parlamentin Evropian kundër rregullit të FIGC (Federata iItaliane e Futbollit) për Super League. “Kriteret e Federatës Italiane të Futbollit në kundërshtim me vendimin e Gjykatës së Drejtësisë së BE-së në çështjen C-333/21”, thuhet në titullin e pyetjes, siç zbulohet nga gazeta “La Verita”.
Një temë e hedhur në tavolinë duke u nisur nga vendimi i Gjykatës së BE-së i datës 21 dhjetor 2023 me të cilin ajo “konstatoi se organizimi i garave të klubeve të futbollit është një aktivitet ekonomik që duhet të respektojë rregullat e konkurrencës dhe lirinë e lëvizjes. Rregullat e FIFA-s dhe UEFA-s që miratojnë, kontrollojnë ose sanksionojnë anëtarët që marrin pjesë në gara të tjera, si Super League, janë një kufizim i paligjshëm për lirinë për të ofruar shërbime”.
Kështu eurodeputeti i EPP, Toine Manders vendosi të parashtrojë një pyetje në të cilën ai nënvizon se, “edhe pse fjalia është shumë e qartë”, Federata e Futbollit ka paraqitur kriteret që kërkojnë një “angazhim me shkrim për të mos marrë pjesë në garat e organizuara nga shoqata private të pa njohura nga FIFA, UEFA dhe FIGC. Këto kritere janë në kundërshtim me vendimin”.
Kështu lindin tre pyejte nga Manders: “A pajtohet Komisioni që kriteret e FIGC janë në kundërshtim me ligjin e BE-së? A keni ndërmend të merrni masat e nevojshme për të njoftuar FIGC-në për këtë sjellje të paligjshme? Çfarë veprimesh ka ndërmend të ndërmarrë nëse FIGC, edhe pasi të jetë njoftuar, nuk respekton ligjin e BE-së?”.
Rregulli ishte futur tashmë nga FIGC në vitin 2021. Ai që është riemëruar si rregulli “anti Super League”, në mënyrë efektive i pengon klubet që marrin pjesë në garat e organizuara nga organe private që nuk njihen nga UEFA dhe FIFA të regjistrohen në kampionatet kombëtare.
Rregulli u miratua me propozimin e Presidentit të FIGC-së, Gabriele Gravina.
Rrjedhimisht, në atë kohë u miratua edhe modifikimi i nenit 16, i cili tani thotë: “Për regjistrimin në kampionat klubi merr përsipër të mos marrë pjesë në garat e organizuara nga shoqata private të pa njohura nga FIFA, UEFA dhe nga FIGC. Pjesëmarrja në garat e organizuara nga shoqata private të pa njohura nga FIFA, UEFA dhe FIGC sjell humbjen e përkatësisë. Luajtja e ndeshjeve miqësore dhe turneve të pa njohura nga FIGC është subjekt i autorizimit të vetë federatës. Luajtja e ndeshjeve miqësore dhe turneve pa autorizimin e FIGC do të rezultojë në heqjen e anëtarësimit”.
Në veçanti, vijon gazeta, qëndrimi i FIGC-së është se vendimi europian ndalon “vendosjen e sanksioneve ndaj klubeve që marrin pjesë në garat alternative”, ndërsa ligji italian në fjalë modifikon mënyrën e regjistrimit të klubeve në kampionatet vendase.
Tani, megjithatë, Bashkimi Evropian do të vendosë nëse rregulli është në përputhje me vendimin e Gjykatës së BE-së apo jo. Albanian Post