Drejtoria rajonale e Policisë në Prizren, së bashku me njësinë rajonale të komunikacionit rrugor dhe stacionet policore, ka kryer një sërë aktivitetesh gjatë periudhës nga 11 der më 17 mars 2024.
Këto aktivitete kanë qenë pjesë e planit operativ “Siguria në trafikun rrugor” dhe “Sezoni dimëror 2023”, dhe kanë përfshirë katër komuna.
Në këtë periudhë, janë shqiptuar 1877 gjoba për kundërvajtësit që kanë shkelur rregullat e trafikut rrugor.
Përveç kësaj, janë hetuar 28 aksidente me dëme materiale dhe 14 aksidente me të lënduar.
Gjithashtu, janë ndërmarrë masa për ndalimin e drejtimit të mjeteve për 16 ngasës, dhe janë shqiptuar 72 gjoba për ngasësit e automjeteve që kanë pasur xhamat e errësuar.
Njësitë policore të Drejtorisë Rajonale të Policisë Prizren vazhdojnë të kryejnë kontrollin e automjeteve në terren me qëllim të parandalimit të aksidenteve të komunikacionit rrugor, veçanërisht atyre me pasoja fatale/PrizrenPress.com/
