Mbledhja e radhës e Këshillit Komunal për Siguri në Bashkësi (KKSB) e Komunës së Prizrenit u zhvillua sot në sallën e Kuvendit të Komunës, në Shtëpinë e Bardhë. Kryetari Shaqir Totaj shprehu falënderime ndaj banorëve të Komunës së Prizrenit për angazhimin e tyre aktive dhe bashkëpunimin me institucionet e sigurisë në qytet.
Gjatë këtij takimi, u diskutua për gjendjen e sigurisë në territorin e Komunës së Prizrenit. Raporti i Policisë së Kosovës për vitin 2023 u vlerësua, ndërsa u hartuan planet operative për vitin 2024.
Disa çështje të veçanta u trajtuan gjatë mbledhjes:
Parkimi i veturave në trotuare me theks tek Hotel “Theranda”: Një çështje e rëndësishme për sigurinë dhe qëndrueshmërinë e qytetit është parkimi i veturave. Diskutimi u fokusua tek parkimi i veturave në trotuare, veçanërisht afër Hotelit “Theranda”.
Bashkërendimi i projekteve për sensibilizim dhe siguri: Në bashkëpunim me Policinë, Drejtorinë e Komunale të Arsimit dhe drejtoritë e tjera, u shqyrtua koordinimi i projekteve për të rritur ndërgjegjësimin dhe sigurinë në komunitet.
Rekomandimet dhe sugjerimet nga anëtarët e KKSB-së: Anëtarët e Këshillit Komunal për Siguri në Bashkësi dhanë rekomandime dhe sugjerime për organet gjegjëse, me synimin e përmirësimit të sigurisë për vitin 2024.
KKSB-të janë forume të sigurisë të themeluara në çdo komunë të Republikës së Kosovës.
Marketing
