Hajdin Berisha, kryetar i NISMA Socialdemokrate në Malishevë është ndarë nga jeta. Lajmi është bërë i ditur nga NISMA përmes një njoftimi zyrtar, përcjell PrizrenPress.
Berisha ishte një figurë kyçe brenda strukturave të NISMA Socialdemokrate, duke shërbyer si kryetar i degës së partisë në Malishevë, nënkryetar i Komunës dhe aktualisht si drejtor i Shëndetësisë në Malishevë.
Gjatë karrierës së tij, ai njihej për përkushtimin e tij ndaj komunitetit dhe për integritetin e tij moral dhe profesional.
“Të qoftë i lehtë dheu i Kosovës, të cilës ia kushtove jetën dhe veprën tënde,” shkruan NISMA Socialdemokrate në mesazhin e saj të ngushëllimit.
Hajdin Berisha ishte i njohur edhe për rolin e tij gjatë luftës në Kosovë, i cili ishte shembull i guximit dhe sakrificës./PrizrenPress.com/
Marketing
