Sot në Prizren u shënua “Dita pa Makina,” aktivitet i organizuar nga Drejtoria e Shërbimeve Publike, pjesë e një nisme ndërkombëtare që synon promovimin e një jete më të shëndetshme dhe të qëndrueshme. Gjatë kësaj dite, qytetarët u inkurajuan të lëvizin pa automjete, duke përdorur biçikleta, karroca ose duke ecur, për të reduktuar ndotjen dhe për të inkurajuar transportin alternativ.
Ngjarja, e cila festohet në shumë vende të botës, ka për qëllim të ndërgjegjësojë komunitetin për përfitimet e aktiviteteve fizike dhe rëndësinë e një ambienti më të pastër.
“Me një aktivitet të organizuar nga Drejtoria e Shërbimeve Publike, sot u shënua “Dita pa Makina” që kremtohet në shumë vende të botës, në të cilën qytetarët lëvizin pa makina dhe në vend të tyre ngasin biçikleta, karroca apo edhe ecin. Kjo ngjarje ndërkombëtare që inkurajon qytetarët të lëvizin pa automjete, promovon një stil jetese më të shëndetshme, aktive dhe rekreative”, thuhet në njoftim./PrizrenPress.com/
