Njësia e LMT-së e KFOR-it Turk ka nisur një aksion për pastrimin dhe zgjerimin e shtretërve të lumenjve të dëmtuar nga vërshimet në Komunën e Dragashit. Punimet kanë filluar në lumin e fshatit Bresanë dhe do të vazhdojnë në fshatrat Kuk, Kosavë, Blaç dhe Zaplluxhe, përcjell PrizrenPress.
Në një njoftim për qytetarët, Komuna apelon për bashkëpunim nga banorët: “Apelojmë tek të gjithë banorët e këtyre fshatrave ku do të ketë punime me ekskavator, që të jenë bashkëpunues me LMT-në e KFOR-it Turk dhe ata që kanë prona rreth lumenjve të mos i pengojnë punimet të cilat bëhen për interes të tyre dhe të të gjithë qytetarëve tjerë.”
Gjithashtu, banorët janë njoftuar se drunjtë e shkulur nga shtrati i lumit do të vendosen përreth pronave të tyre për përdorim personal. Njësia e KFOR-it Turk do të vazhdojë të mbështesë komunitetin edhe me projekte të tjera./PrizrenPress.com/
Marketing
Përjetoni pushime të paharruar dhe dasma magjike në Hotel “Albes Residence”
