Organizata e Pensionistëve dhe Invalidëve të Punës në Prizren ka kërkuar rifunksionalizimin e ambulancës mjekësore të dedikuar për pensionistët, e cila ishte aktive para pandemisë.
Gjatë një takimi me aktivistët e shoqërisë civile, pensionistët kanë shprehur shqetësimet e tyre për mungesën e shërbimeve mjekësore dhe barnave që më parë ofroheshin falas për këtë kategori.
Në një njoftim të bërë nga Organizata joqeveritare EC Ma Ndryshe, u bë e ditur se ky problem është ngritur si çështje e rëndësishme gjatë takimit me përfaqësuesit e organizatës së pensionistëve.
“Përveç rifunksionalizimit të ambulancës, pensionistët kanë shprehur edhe pakënaqësi për mungesën e subvencioneve komunale për aktivitetet e tyre dhe organizimin e takimit vjetor”, thuhet në njoftim.
Gjithashtu, ata kanë kërkuar që gjatë realizimit të projekteve infrastrukturore të merren parasysh nevojat e tyre për lëvizje të lirë dhe qasje në hapësirat publike.
Marketing
Përjetoni pushime të paharruar dhe dasma magjike në Hotel “Albes Residence”
