Kjo fundjavë në Superligën e Basketbollit të Kosovës sjell një sfidë të madhe në xhiron e nëntë, ku Golden Eagle Ylli dhe Trepça do të përballen në një ndeshje plot tension. Ky duel është gjithashtu derbi i javës, pasi dy ekipet ishin finalistë të Play-off-it sezonin e kaluar, ku Trepça arriti të triumfojë në serinë finale me rezultat 3:2.
Takimi do të zhvillohet sot, në Palestrën “13 Qershori” në Suharekë, me fillim nga ora 17:00.
Golden Eagle Ylli, që ka regjistruar pesë fitore dhe tri humbje deri tani, ka një sfidë të vështirë përballë Trepçës, e cila ka gjashtë fitore dhe dy humbje në këtë edicion. Kjo përballje jo vetëm që mban rëndësi për renditjen e skuadrave, por pritet të sjellë emocion dhe intensitet të lartë në parket.
Në takimin e tyre të parë për këtë sezon, Trepça fitoi 77:67, dhe kësaj here Golden Eagle Ylli synon një hakmarrje të plotë për të ruajtur avantazhin në garën për kreun./PrizrenPress.com/
Përjetoni pushime të paharruar dhe dasma magjike në Hotel “Albes Residence”
