Kryetari Shaqir Totaj ka pritur përfaqësuesit e aktivitetit “Integriteti i Komunave të Kosovës” (KMI) të lehtësuar nga USAID në krye me drejtoreshën Afërdita Mekuli, me ç’rast është diskutuar për angazhimet e Komunës së Prizrenit për përmirësime në këtë drejtim.
Sipas njoftimit të Komunës, projekti që ka nisur në vitin 2022, mbështet gjithsejtë nëntë institucione përkatësisht tetë komuna dhe Ministrinë e Shëndetësisë, për ta përmirësuar integritetin dhe efiçiencën e institucioneve.
Komuna e Prizrenit, sipas njoftimit, ka përfituar asistencë në menaxhimin e financave, prokurim, menaxhim projektesh, kontrata publike dhe auditim.
“Me këtë rast diskutuan për objektivat dhe angazhimin e Komunës së Prizrenit për ta forcuar partneritetin me KMI për procese më të drejta dhe të qëndrueshme”, thuhet në njoftim.
Marketing
Përjetoni pushime të paharruar dhe dasma magjike në Hotel “Albes Residence”
