Kryeministri i Kosovës, Albin Kurti, ka vizituar shtëpitë e familjeve Shabani, Çabrati dhe Haxhimaxhuni në Prizren.
“Familja e Haxhi Ismet Shabanit me prejardhje nga Opoja, është prodhuese e ëmbëlsirave si bakllavaja, çokolata dhe kadaifi e që shiten në rrjetin e lokaleve të tyre “SaraySweets”. Për dy vjet e gjysmë kanë arritur të punësojnë mbi 100 punëtorë nga tetë sa i kishin në fillim. 80% e punëtorëve janë gra”, shkruan Kurti në Facebook.
“Kurse familja Çabrati është pronare e kompanisë “Burak” që bën shitje të autopjesëve dhe motoçikletave me shtrirje në Prishtinë, Tiranë e Shkup. Më i vjetri i familjes, Haxhi Bashkimi, është gjithashtu kultivues i muzikës mistike islame, dhe kishte aftësi të jashtëzakonshme në instrumentin 75 telësh të kanunit”.
“Te shtëpia e Haxhimaxhunëve diskutuam për zhvillimin e nevojshëm ekonomik të komunës së Prizrenit. Bizneset e këtij rajoni meritojnë vëmendje qendrore në planifikimin e politikave zhvillimore ekonomike. Përherë falënderues për punën, ndershmërinë dhe kontributin e familjeve punëtore e bizneseve familjare të vendit tonë”, shkruan ai./PrizrenPress.com/
Marketing
