Në kuadër të fushatës zgjedhore, kandidatët e LDK-së për deputetë të Kuvendit të Kosovës në Prizren vizituan sot dy bizneset e suksesshme “Temaj Qeramikë” dhe “Temaj Windoor”, të cilat po shtrihen edhe jashtë Kosovës.
Kryetari i LDK-së në Prizren, Driton Selmanaj tha se bizneset janë shtyllë e fortë për zhvillimin e Kosovës dhe LDK-ja do të jetë krah i tyre.
“Bashkë me kandidatët tanë për deputetë nga Prizreni, vizituam dy bizneset shumë suksesshme të cilat veprojnë në qytetin tonë, por që emri dhe puna profesionale e “Temaj Qeramikë” dhe “Temaj Windoor” po shtrihet edhe jashtë Kosovës. Dy bizneset e ngritura me mund dhe sakrificë nga Familja Temaj janë shembull i mirë se në Kosovë bëhet biznes, punësohet njerëz dhe shteti ynë ka të ardhme”, tha Selmanaj./PP/
Marketing
