KF Rahoveci ka njoftuar përforcimin më të ri të ekipit, Henry Chibueze, sulmues i krahut, i cili ka firmosur me klubin pas një periudhe të suksesshme te KF Prishtina e Re.
“Me shpejtësi dhe aftësi teknike të larta, Chibueze është një lojtar që sjell dinamizëm dhe kreativitet në sulm, dhe pritet të kontribuojë me gola dhe asiste në çdo ndeshje”, thuhet në deklaratën e klubit, përcjell PrizrenPress.
Drejtuesit e KF Rahovecit shprehen të bindur se ai do të jetë një aset i vlefshëm për ekipin, duke ndihmuar në forcimin e repartit ofensiv.
“KF Rahoveci i uron një mirëseardhje të ngrohtë Chibuezes dhe shpreson që ai të ketë sukses të madh në këtë aventurë të re”, përfundon deklarata./PrizrenPress.com/
Marketing
