Kandidati i LDK-së për deputet, Xhavit Ukaj, i cili mban numrin 97, në kuadër të fushatës zgjedhore ka vizituar Klubin e Basketbollit “Bashkimi” në Prizren dhe ka marrë pjesë në tubimin në Malishevë.
“Puna dhe angazhimi i palodhshëm kanë bërë që klubi i qytetit, KB Bashkimi, të jetë tani në vendin që meriton. Me krenari, klubi gjendet në vendin e parë, dhe për këtë meritë të madhe falënderojmë kryesinë, lojtarët dhe veçanërisht kryetarin Kushtrim Kabashi, i cili po bën një punë të jashtëzakonshme për suksesin e ekipit. KB Bashkimi është shembull i përkushtimit dhe profesionalizmit. Suksese të mëtejshme!”.
Ukaj ka falënderuar edhe Malishevën për mbështetjen e jashtëzakonshme.
“Sot, në Malishevë, mbajtëm një tubim të veçantë, ku qytetarët treguan përkrahjen dhe përkushtimin e tyre të jashtëzakonshëm. Në këtë takim ishte i pranishëm edhe kryetari dhe kryeministri i ardhshëm, Lumir Abdixhiku, i cili bashkë me ne ndau vizionin për një të ardhme më të mirë. Falënderojmë kryetarin Fatmir Ademaj për organizimin e shkëlqyer dhe mikpritjen e ngrohtë. Malisheva tregoi edhe një herë që është krah i fuqishëm i ndryshimit”.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit