Proton Cable Prizreni shënoi fitore shumë të rëndësishme ndaj Borës. Më i miri i kësaj sfide ishte ish-basketbollisti i Pejës, Tervell Beck.
Ai ndaj skuadrës prishtinase kishte 30 pikë, 12 kërcime, pesë asistime, pesë topa të vjedhur dhe një bllokadë. Beck kishte indeksin 43 apo më të lartin e kësaj xhiro, duke u shpallur edhe MVP.
Ndeshje shumë të mirë kishte edhe Jordan Johnson me 31 pikë, pesë kërcime e katër asistime.
Sigal Prishtina fitoi ndaj Bashkimit në Prizren, ku sërish qendra Rashid Mahalbashiq udhëhoqi bardhekaltrit. Ai e mbylli ndeshjen me 11 pikë, 13 kërcime dhe gjashtë asistime.
Vëllaznimi fitoi ndaj Golden Eagle Yllit, ku te kuqezinjtë më i dalluari ishte Arian Azemi me 24 pikë, gjashtë kërcime dhe pesë asistime.
Trepça triumfoi në derbin ndaj Pejës, ku më i miri ishte Mikaile Tmusiq me 17 pikë, katër kërcime dhe tri asistime.
MVP
Tervell Beck (Proton Cable Prizreni) 30 pikë, 12 kërcime, 5 asistime, 43 indeksi
Top 5
Tervell Beck (Proton Cable Prizreni) 30 pikë, 12 kërcime, 5 asistime, 43 indeksi
Jordan Johnson (Proton Cable Prizreni) 31 pikë, 5 kërcime, 4 asistime, 31 indeksi
Rashid Mahalbashiq (Sigal Prishtina) 11 pikë, 13 kërcime, 6 asistime, 26 indeksi
Arian Azemi (Vëllaznimi) 24 pikë, 6 kërcime, 5 asistime, 25 indeksi
Mikaile Tmusiq (Trepça) 17 pikë, 4 kërcime, 3 asistime, 17 indeksi /PrizrenPress.com/
