Në regjistrin e deklarimit të pasurisë për vitin 2025, ai ka theksuar se ka në pronësi një shtëpi prej 300 metrave katrorë në vlerë 58 mijë e 80 euro, një truall prej 38.11 ari në vlerë 37 mijë e 663 euro, një banesë prej 92 metrave katrorë në vlerë 43 mijë e 200 euro, një banesë tjetër prej 73.00 metrave katrorë në vlerë 43 mijë e 800 euro, pastaj një arë prej 23.38 ari në vlerë 140 mijë e 280 euro dhe një arë tjetër prej 17.97 ari me vlerë 5 mijë e 391 euro.
Në të njëjtën kohë, Muharremaj i ka deklaruar në Agjencinë për Parandalimin e Korrupsionit dy vetura në shfrytëzim nga familja. Personalisht ka thënë se posedon një veturë, të cilën e ka vlerësuar me 10 mijë euro. Ndërsa, vetura tjetër në vlerë 8 mijë euro ka deklaruar se është në pronësi të bashkëshortes.
Tutje, ai ka bërë të ditur se në bankë ka 929 euro e 59 centë para të gatshme, dhe afër 19 mijë euro tjera para të gatshme në emër të bashkëshortes përkatësisht fëmijëve.
Pagë vjetore si kryetar i Komunës, Muharremaj në Agjencinë për Parandalimin e Korrupsionit i ka deklaruar 16 mijë e 120 euro, ndërsa 8 mijë e 200 euro i ka shkruar si mëditje për udhëtimet jashtë vendit,
Ai ka paraqitur edhe të hyrat vjetore të fëmijës, në vlerë 12,300 euro të përshkruara si kapital i biznesit dhe 7 mijë e 950 euro kursime të bashkëshortes. /Telegrafi/
