Zyrtarja për Barazi Gjinore në Komunën e Malishevës, Vera Bytyçi, organizoi një tryezë me temën “Histori suksesi dhe fuqizimi”, ku u diskutuan përvojat dhe historitë e suksesit të grave nga fusha të ndryshme, si arsimi, shëndetësia, politika, sektori i OJQ-ve dhe biznesi.
Sipas njoftimit, qëllimi i tryezës ishte të nxirrte në pah modelet pozitive që nxisin bashkëpunimin ndërsektorial dhe zhvillimin e qëndrueshëm në jetën shoqërore dhe politike.
Në këtë aktivitet morën pjesë: drejtoresha e SHFMU “Ibrahim Mazreku”, Rrezartë Mazreku-Kastrati, dr. Ganimete Bytyçi, Feride Hoxha, Hidajete Mazreku, Hyra Mazreku dhe Fatime Limaj, të cilat ndanë historitë e tyre të suksesit dhe përvojat e frymëzuara nga angazhimi i tyre në zhvillimin e komunitetit.
“Debati i zhvilluar mes grave të suksesshme shpërfaqi përvojat dhe historitë e tyre të suksesshme, duke përfshirë gra nga fusha të ndryshme si: arsimi, shëndetësia, politika, sektori i OJQ-ve dhe biznesi, me qëllim ndarjen e përvojave frymëzuese dhe nxitjen e fuqizimit individual dhe kolektiv në Komunën e Malishevës”, thuhet në njoftimin e komunës./PrizrenPress.com
