Kompania Rajonale e Ujësjellësit “Hidroregjioni Jugor” ka nisur punimet për realizimin e projektit “Ndërtimi i klorinatorit tek 40 Burimet” në Prizren, raporton PrizrenPress.
Ky projekt, i financuar nga vetë kompania në vlerë prej 63,223.25 euro, ka për qëllim rritjen e sigurisë dhe cilësisë së ujit të pijshëm për qytetarët e Prizrenit dhe zonave përreth. Klorinatori i ri do të mundësojë dezinfektimin më efikas të ujit dhe mbrojtjen e tij nga ndotjet mikrobiale, duke përmbushur standardet bashkëkohore të trajtimit të ujit.
“Kemi filluar punimet për ndërtimin e klorinatorit në burimin kryesor ’40 Burimet’. Realizimi i këtij projekti me vlerë 63,223.25 euro do të rrisë ndjeshëm sigurinë dhe cilësinë e ujit të pijshëm. Ky është një hap i rëndësishëm drejt përmirësimit të shërbimeve për qytetarët tanë”, thuhet në njoftimin e kompanisë./PrizrenPress.com
Marketing
