Kombëtarja e Kosovës në tenis arriti sukses të rëndësishëm duke siguruar kualifikimin në Grupin e Tretë të Kampionatit Botëror të tenisit “Davis Cup”. Në ndeshjen e “Play Off”-it, djemtë tanë triumfuan me rezultat 2:1 kundër Andorrës, raporton PrizrenPress.
Ndeshjen e parë e humbi Jasin Jakupi me rezultat 2:1, por Vullnet Tashi riktheu baraspeshën duke fituar bindshëm 2:0. Në takimin e dyfishtë, dyshja Tashi dhe Doni Gashi siguruan fitoren vendimtare për Kosovën.
Ky sukses vjen pas katër fitoreve radhazi, pasi më parë Kosova mposhti Shqipërinë, Islandën dhe Lihtenshtajnin.
Kualifikimi në Grupin e Tretë përbën një arritje të madhe për tenisistët tanë, duke rikthyer Kosovën në këtë nivel pas dy vitesh./PrizrenPress.com
Marketing
