Kryetari i Lidhjes Demokratike të Kosovës në Prizren, Driton Selmanaj, ka zhvilluar një takim të veçantë me një nga figurat më emblematike të sportit prizrenas, Naim Malazezin, të cilin e cilësoi si “legjendë të gjallë” dhe “thesar njerëzor”.
Në një postim të shpërndarë pas takimit, Selmanaj tha se kishte ndjerë “kënaqësi dhe nder” që pati mundësinë të bisedonte me njeriun që përfaqëson dinjitetshëm historinë, shpirtin dhe krenarinë sportive të Prizrenit.
“Për më shumë se 40 vjet, Naimi nuk ka qenë vetëm atlet, por simbol i rezistencës, i dashurisë për vendin dhe përkushtimit për sportin dhe qytetin tonë”, vlerëson Selmanaj.
Naim Malazezi është 55 herë kampion i Kosovës, me qindra medalje të fituara në gara kombëtare e ndërkombëtare.
Ai ka konkurruar edhe në periudha të vështira, kur pjesëmarrja në gara ishte një akt guximi dhe vetësakrifice.
“Ende aktiv, ende frymëzim për brezat e rinj, ai nuk e ka ndalur asnjëherë vrapin – as për medalje, as për lavdi, por gjithmonë për dinjitetin e këtij qyteti”, u shpreh Selmanaj.
Kryetari i degës së LDK-së në Prizren përfundoi me një thirrje për më shumë kujdes dhe mbështetje për njerëzit që kanë kontribuar në sport dhe shoqëri: “Ata meritojnë më shumë kujdes dhe një vend të denjë në historinë tonë të përbashkët.”
Marketing
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
