Një aksident trafiku me pasojë vdekjen ka ndodhur mëngjesin e sotëm, rreth orës 06:57, në magjistralen Suharekë – Shtime, në afërsi të Qafës së Duhlës.
Sipas njoftimit të Policisë së Kosovës, në aksident është përfshirë një motoçikletë me dy shtetas të Maqedonisë së Veriut, të cilët ishin duke udhëtuar në drejtim të Suharekës.
Banesat më të kërkuara në Prizren – Bëhu pronar në Foleja Residence!
“Sipas informacioneve fillestare, një qen endacak ka dalë papritmas në rrugë, duke bërë që drejtuesi i motorit të humbë kontrollin,” thuhet në njoftimin e Policisë.
Pas përplasjes, pasagjerja D.M. (1985) ka humbur jetën në vendin e ngjarjes, ndërsa drejtuesi i motoçikletës A.S. (1979) ka mbetur i lënduar. “Ekipet e Policisë dhe të Emergjencës kanë reaguar menjëherë pas marrjes së informatës. Mjeku në vendin e ngjarjes ka konstatuar vdekjen e viktimës, ndërsa të lënduarit i është dhënë ndihma e parë,” ka bërë të ditur policia.
Prokurori i Shtetit është informuar për rastin dhe ka urdhëruar që trupi i pajetë i viktimës të dërgohet në Institutin e Mjekësisë Ligjore për autopsi.
“Hetimet lidhur me aksidentin janë duke vazhduar, ndërsa të gjitha veprimet po ndërmerren sipas procedurave ligjore,” thuhet më tej në deklaratën zyrtare.
Aktualisht, rruga Suharekë – Shtime është e qarkullueshme për automjete.
Marketing
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
