22.9 C
Prizren
E diel, 31 Gusht, 2025

Liridon Fetahaj rikthehet te Liria e Prizrenit

Liridon Fetahaj është rikthyer zyrtarisht te FC Liria, duke vulosur një kapitull të ri me klubin ku ka hedhur hapat e parë si futbollist profesionist. Lajmi është bërë i ditur nga klubi prizrenas përmes një njoftimi në rrjetet sociale, ku theksohet rëndësia e këtij rikthimi për skuadrën dhe komunitetin sportiv të qytetit, raporton PrizrenPress.

“Dita e mirë shihet n’mëngjes! Djali i qytetit, i lindur dhe rritur në zemër të Prizrenit – Liridon Fetahaj – rikthehet aty ku i takon: te klubi i zemrës!” – thuhet në njoftimin e FC Liria.

Fetahaj konsiderohet si një prej figurave kyçe në ecurinë e mëhershme të ekipit, veçanërisht në rikthimin e Lirisë në Superligë. Klubi e përshkruan atë si “një lider brenda dhe jashtë fushës, një simbol krenarie për qytetin dhe tifozët”.

Rikthimi i tij shihet si një përforcim i rëndësishëm për skuadrën në prag të sezonit të ri, si në aspektin sportiv ashtu edhe në atë motivues.

“Mirë se vjen në shtëpi, Liridon – krenaria e Prizrenit!” – përfundon njoftimi, duke shprehur emocionin dhe pritshmëritë e mëdha për angazhimin e ri të mesfushorit prizrenas./PrizrenPress.com

Më Shumë

Ndërroi jetë veterani i UÇK-së, Afrim Malsori nga Krusha e Madhe

Sot ka ndërruar jetë Afrim Malsori nga Krusha e Madhe, një veteran i shquar i Ushtrisë Çlirimtare të Kosovës. Ai dha një kontribut të...

Në 49 vjetorin e lindjes, ‘Liria’ e Prizrenit përkujton dëshmorin dhe ish-futbollistin Përparim Thaçi

Klubi Futbollistik "Liria" ka përkujtuar sot ish-futbollistin e saj dhe dëshmorin e kombit, Përparim Thaçi, në 49-vjetorin e lindjes së tij. Me një mesazh...

Era e tokës

Lajmet e Fundit