Kompania e Ujësjellësit “Hidroregjioni Jugor” në Prizren ka lëshuar një njoftim urgjent drejtuar banorëve të fshatit Gjonaj, duke kërkuar pagesën e menjëhershme të faturave të ujit, për të shmangur pasoja serioze si shkyçja nga rrjeti i furnizimit dhe fillimi i procedurave përmbarimore.
Sipas të dhënave zyrtare, borxhi total i amvisërive në këtë fshat ka arritur shifrën shqetësuese prej 84,261.91 euro, çka ka detyruar kompaninë të ndërmarrë hapa për rikuperimin e mjeteve të papaguara.
“Njoftojmë konsumatorët e fshatit Gjonaj që të kryejnë sa më parë pagesat e prapambetura. Mospagesa do të sjellë pasoja të menjëhershme, përfshirë shkyçjen nga rrjeti i ujit si dhe fillimin e procedurave përmbarimore nga përmbarues privatë”, thuhet në njoftimin zyrtar të kompanisë.
“Hidroregjioni Jugor” ka bërë të ditura disa nga mënyrat e pagesës për të lehtësuar procesin për konsumatorët, duke përfshirë:
Zyrat e arkëtimit në të gjitha njësitë operative,
Bankat dhe postën,
Pagesat online përmes aplikacioneve bankare,
Si dhe aplikacionin zyrtar E-HRJ.
“Kryeni obligimet me kohë dhe shmangni shkyçjet e padëshiruara dhe procedurat ligjore,” përfundon thirrja e kompanisë.
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren