Arrestimi i njeriut me ndikim në veri të vendit, Oliver Ivanovic, nën dyshimet për kryerje të krimeve të luftës, udhëheqësit të Rojave të urës, Dragan Delibasic, si dhe të deputetit të Kosovës, Ukë Rugova, i cili dyshohet të jetë i përfshirë në skandalin e shitjes së vizave italiane, ka bërë që të rriten shpresat për vazhdimin e arrestimit të të ashtuquajturve “peshq të mëdhenj”.
Më herët, i pyetur nga gazetarët rreth punës së EULEX-it për arrestimin e peshqve të mëdhenj të krimeve ekonomike, Borchardt kishte thënë se nuk është peshkatar, por misioni i tij po e bën punën me sukses.
Prej se ka marrë mandatin e tij si shefi i EULEX-it Berndt Borchardt, ka nisur një “gjueti” të emrave të mëdhenj të skenës politike e institucionale në Kosovës. BE-ja kishte kritikuar neglizhencën e EULEX=it në Kosovë për shkak të shpenzimeve të mëdha dhe rezultateve të vogla.
Borchard duket se ka zgjedhur më tepër punën sesa deklarimet. AI nuk paraqitet shpesh në medie dhe nuk është i pranishëm në opinion, por prej se ka ardhur në Kosovë i ka dërguar prapa grilave disa të dyshuar për krime lufte, si shqiptarë ashtu edhe serbë. /Zëri/