Aleanca për Ardhmërinë e Kosovës, falënderon kongresmenët amerikanë për iniciativën për anëtarsimin e Kosovës në Programin e Partneritetit për Paqe dhe në NATO.
Konsiderojmë se letra e kongresmenëve amerikanë të udhëhequr nga Kongresmeni Eliot Engël, dërguar Presidentit Obama dhe Sekretarit të Shtetit, Kerry, është vazhdimësi e traditës së përkrahjes së Kongresit dhe popullit amerikan ndaj Kosovës dhe popullit të Kosovës.
AAK beson fuqishëm se anëtarësimi i Kosovës në strukturat euro-atlantike dhe në NATO është garancë përfundimtare e paqes dhe sigurisë në rajon.