Mbretëreshat e Kupës!

KBF Bashkimi ka triumfuar sërish në Kupën e Kosovës te femrat, duke konfirmuar dominimin në basketbollin kosovar.

Në një super finale të zhvilluar në Prizren, vashat e Bashkimit mposhtin Pejën 03 me shifrat 70:61. Ndeshja u vendos në periodën e tretë, e cila përfundoi 11:22 në favor të portokallezinjve, ndërsa në dhjetëminutëshin e fundit kampionet ruajtën epërsinë për të siguruar fitoren me nëntë pikë dallim, raporton PrizrenPress.

Trofeun e Kupës e ndanë Kryetari i Federata e Basketbollit e Kosovës, Arben Fetahu, dhe zëvendësministrja e Sportit, Daulina Osmani, për kapitenen Aulona Muhadri.

MVP e Kupës u shpall Alexis Mead, e cila realizoi 28 pikë, gjashtë kërcime dhe tetë asistime në finale. Çmimi iu dorëzua nga Sekretarja e Përgjithshme e FBK-së, Elvira Dushku.

Medaljet e arta i ndanë Teuta Abdullahu dhe Ajlin Shishko, ndërsa ato të argjendta Adriatik Rraci dhe Granit Rugova. Gjithashtu, me mirënjohje u nderuan gjyqtarët e finales dhe vëzhguesja Vlora Braha, ndërsa mirënjohjet i ndau Komesari i Garave në FBK, Faton Kurshumlija.

Bashkimi vazhdon të mbetet simbol i suksesit në basketbollin e femrave në Kosovë./PrizrenPress.com/

Marketing

Shitet banesa në lagjen “Dardania” të Prizrenit

Krijojmë webfaqe për biznese

Mos prit më – merr kredinë që të duhet në IMF KosInvest

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/