Në një atmosferë festive dhe familjare, është kurorëzuar sonte martesa e djalit të heroit të Kosovës, Fetah Gega.
Me këtë rast, urime publike ka përcjellë edhe kryetari i Komunës së Suharekës, Bali Muharremaj, i cili ka shprehur dëshirat më të mira për çiftin e ri, raporton PrizrenPress.
“Sonte kurorëzohet dasma e djalit të Heroit të Kosovës Fetah Gega. Çlirimit dhe Redonës ju urojmë jetë të lumtur, fat e mbarësi për gjithë familjen Gega”, ka uruar Muharremaj.
Martesa e Çlirimit dhe Redonës është pritur me gëzim nga familjarë, miq dhe dashamirë, duke shënuar një moment të veçantë për familjen Gega./PrizrenPress.com/
