23 pjesëtarë të Brigadës për Reagim të Shpejtë me gradën nëntoger-ushtar, të FSK-së, kanë udhëtuar për një trajnim të specializuar në Turqi.
Në njoftimin e ministrisë për FSK-në, thuhet se qëllimi i këtij trajnimi është përgatitja e pjesëtarëve të FSK-së, në mënyrë sa më profesionale, për përballjen me dimër të ftohtë dhe me acar.
Për të përcjellë ushtarët e FSK-së, ishte shefi i Shtabit të KFT-së kolonel Naim Haziri dhe shefi i Shtabit të Brigadës për Reagim të Shpejtë, (BRSH) nënkolonel Jeton Dreshaj, si dhe përfaqësuesi i Ushtrisë së Turqisë.
Me këtë rast, koloneli Naim Haziri u shprehë se ndjehet tejet i lumtur që kjo po ndodh pikërisht në repartet dhe pilogonet ushtarake të Ushtrisë së Turqisë.
Ai u shpreh i bindur se gjatë këtij trajnimi pjesëtarët e FSK-së, do arrijnë që ta përfaqësojnë denjësisht FSK-në.
Në fund, kolonel Haziri kërkoi nga ushtarët e FSK-së, që gjatë trajnimit të përfitojnë sa më shumë njohuri nga Ushtria e Republikës së Turqisë, si dhe këto njohuri t’i zbatojnë, pastaj, në përpikmëri në njësitet e tyre në FSK.
Ky trajnim si dhe trajnimet e më hershme që janë zhvilluar në Republikën e Turqisë janë rezultat i bashkëpunimit bilateral në mes FSK-së dhe Ushtrisë së Republikës së Turqisë.
Trajnimi në poligonet ushtarake të Turqisë, “Mbijetesa në dimër të ftohtit dhe të ashpër” fillon sot, ( 23 shkurt 2014), dhe do të zgjatë deri më 08 mars 2014.
Ky trajnim dhe trajnimet e mëparshme të pjesëtarëve të FSK-së, në poligonet e Ushtrisë së Turqisë, po realizohen në bazë të Memorandumit të bashkëpunimit bilateral në mes MFSK-FSK-së dhe Ministrisë së Mbrojtjes së Turqisë dhe Ushtrisë së Turqisë.