Kryetari i Degës së PDK-së në Prizren Minir Krasniqi ka paralajmëruar se në seancën e Kuvendit Komunal, do të emrohen drejtorët e rinj të Ekzekutivit.Ai ka thënë se është arritur marrëveshja me partnerët e koalicionit.
Marrëveshjen e arritur e kanë konfirmuar edhe në Degën e AAK-së në Prizren. Kryetari i Degës së AAK-së Fatmir Kastrati i ka thënë se është nënshkruar marrëveshja mes PDK-së dhe koalicionit AAK – LDD, sipas të cilës AAK LDD-së do t’i takojnë tri drejtori dhe pozita e nënkryetarit.
As në PDK dhe as në AAK ende nuk flasin për emra, të cilat thuhet se do të bëhen publik në mbledhjen e seancës së të mërkurës.
Në seancën e dytë të përbërjes së re të Kuvendit Komunal, betimin do ta japin dy kuvendarë nga radhët e LDK-së, Nexhat Bytyçi dhe Salajdin Xhaferi, të cilët do të zëvëndësojnë Xhavit Ukajn, respektivisht Eshref Memajn. Xhavit Ukaj, tashmë një kohë është deputet i Parlamentit të Kosovës, ndërsa Eshref Memaj,për shkak të mbajtjes së një posti publik ka heq dorë nga pozita e anëtarit të Kuvendit. Në këtë mbledhje partitë politike të përfaqësuar në Kuvend do t’I paraqesin emrat për Komitetin për politikë dhe financa si dhe Kuvendi do të përcaktihet edhe për Komitetin për Siguri në Bashkësi./TV Opinion/