Qeveria e Kosovës ia ka prezantuar BE-së pozicionin e saj lidhur me rishikimin strategjik të misionit të EULEX-itdhe ka propozuar që pranie e re evropiane të quhet Misioni Këshillues për Rend dhe LigjQeveria e Kosovës ia ka prezantuar Bashkimit Europian pozicionin e saj lidhur me rishikimin strategjik të misionit të EULEX-it, duke i dhënë propozime edhe për kompetencat dhe funksionin që duhet të ketë misioni i ri, për kohën sa duhet të zgjasë mandati i tij, e madje edhe për emrin që duhet të mbajë. Propozimi i Qeverisë është që pranie e re evropiane të quhet Misioni Këshillues për Rend dhe Ligj – shkruan Koha Ditore.
Nëpërmjet një dokumenti tetëfaqësh që i është dërguar Brukselit, institucionet e Kosovës vlerësojnë se situata në vend ka ndryshuar në vitet e fundit dhe se tashmë ekziston një realitet i ri sa i përket fushës së sundimit të ligjit. Institucionet kanë shprehur gatishmërinë të marrin përsipër kompetencat për kryerjen e detyrave që kanë qenë nën mandatin e tanishëm të EULEX-it.
“Kjo asistencë duhet të ketë karakter monitorues dhe këshillëdhënës me një fokus të veçantë në veriun e Kosovës”, thuhet në shkresën që përmban pozicionin e Qeverisë. “Në këtë aspekt, Qeveria e Kosovës propozon që misioni i ri të quhet Misioni Këshillues për Rend dhe Ligj në Kosovë dhe mandati i tij të fillojë më 15 qershor 2014 dhe të përfundojë më 31 dhjetor 2015”.