Komiteti për Politikë dhe Financa (KPF) në Malishevë,ka mbajtur mbledhjen e saj të parë.Në këtë mbledhje janë dhënë dhjetë rekomandime të ndryshme për mbledhjen e ardhshme të Kuvendit të Komunës. Mbledhja e KPF-së, është udhëhequr nga kryesuesi i KK, Enver Hoti, ndërsa përbëhet nga njëmbëdhjetë anëtar, kryesuesi plus katër anëtar nga IQM, 3 të PDK-së dhe 3 anëtar të LDK-së.
Në këtë mbledhje, para anëtarëve të KPF-së, sipas rendit të ditës, në disa pika, kanë dhënë sqarimet e tyre, drejtorët e drejtorive për buxhet dhe financa, për arsim dhe edukim dhe ai për mbrojtje dhe shpëtim.
Për rendin e ditës për mbledhjen e ardhshme të Kuvendit të Komunës, KPF, ka dhënë këto rekomandime:
1. Shqyrtimi dhe miratimi i procesverbalit nga mbledhje e kaluar, 2. Deklarimi jashtë rendit të ditës,
3. Pyetje nga anëtarët e KK për drejtorët e drejtorive komunale,
4. Formimi i Këshillit Komunal për Siguri në Bashkësi (KKSB),
5. Prezantimi i qeverisë komunale, prezantimi i programit qeveritar dhe lista e projekteve kapitale,
6. Shqyrtimi i propozim planit të punës së KK për vitin 2014,
7. Shqyrtimi dhe miratimi i draft rregullores për taksa, tarifa dhe gjoba komunale për vitin 2014,
8. Miratimi i kërkesës për destinimin e të hyrave të bartura nga viti 2012 dhe 2013 në vitin fiskal 2014,
9. Raporti i Drejtorisë për Arsim dhe Edukim
10. Të ndryshme.