Në Asamblenë e Përgjithshme të Akademisë Evropiane të Shkencave dhe të Arteve (ASAE), me seli në Salcburg të Austrisë, më 8 mars u bë inaugurimi solemn i dy anëtarëve të kësaj Akademie: prof. dr. Hivzi Islamit, demograf, anëtar i rregullt i ASHAK dhe kryetar aktual i saj, dhe prof. dr. Edi Shukriut, arkeologe, anëtare korrespondente, njofton Shërbimi profesional i Akademisë së Shkencave dhe të Arteve e Kosovës.
Në nëntor të vitit 2013 ata ishin zgjedhur anëtarë të kësaj Akademie Evropian.
Anëtarë të Akademisë Evropiane janë akad. Rexhep Ismajli dhe anëtari i jashtëm akad. Muhamedin Kullashi. Anëtari i parë i kësaj Akademie ishte i ndjeri akad. Gazmend Zajmi.