?Këshilli i Studentëve të Fakultetit të Inxhineris Mekanike, ka paralajmëruar bojkotim të mësimit nëse greva nuk ndalet deri në javën e ardhshme sepse sipas tyre është e pamundur në këtë gjendje të zhvillohet procesi i rregullt mësimor.
“Ne si Këshill i Studentëve të Fakultetit të Inxhineris Mekanike, , me anë të kësaj kumtese ju njoftojmë se jemi shumë të shqetësuar me gjendjen e krijuar në Fakultetin tone por edhe në UP, e cila po ndodh ditëve të fundit nga hyrja në grevë e punonjësve administrativ të Universitetit të Prishtinës “Hasan Prishtina”. Hyrja në grevë e punonjësve të administratës të Fakultetit tonë ka krijuar një gjendje jo të mirë, ku studentët nuk mund të bëjnë asgjë, pasi që administrata është ajo që çdoher është në kontakt me studentin dhe i ofron shërbime Studentit. Ne si përfaqesues të Studentëve në këtë njësi Akademike dhe pas mbledhjes së mbajtur sot nga antarët e këshillit morëm vendim që nëse greva nuk ndërpritet dhe këtë javë, ne si Këshill i Studentëve do solidarizohemi me punonjësit e administratës duke bojkotuar mësimin në javën e ardhëshme, pasi që asnjë shërbim nuk mund të kryhet në këtë gjendje”, thuhet në reagim.
Ky Këshill kërkon që kërkesat e punonjësve të administratës të UP-së të realizohen sa ma shpejt qe të jetë e mundur nga ana e Rektoratit të UP-së, që gjendja e krijuar në UP të normalizohet sa me parë.