Drejtori i Institutit Demokratik të Kosovës (KDI), Ismet Kryeziu, gjatë 100 ditëve të qeverisjes në komunat ku janë ndryshuar pushtetet dhe janë zgjedhur kryetarë të rinj, thotë se ka vërejtur rinim të stafit, se ka indikacione për zhvillim të transparencës e llogaridhënies, se ka edhe përkushtim më të madh në punë.
Në intervistën dhënë gazetës, Kryeziu paraqet edhe vërejtje, siç është mosfillimi i realizimit të premtimeve, disa prej të cilave, sipas tij, kanë mundur të bëheshin ose të realizoheshin gjatë kësaj periudhe.
Me gjithë përpjekjet për transparencë, kryetarët e rinj, sipas tij, nuk janë liruar nga ndikimet partiake. Kryeziu ua qan hallin komunave të mëdha, ku edhe pse drejtorët e drejtorive kanë disa herë më shumë punë se komunat e vogla, janë me paga të njëjta…/koha ditore/