Ethet hemorragjike janë kthyer në Kosovë. R. Z. nga fshati Senik i Malishevës ditë me parë është prekur nga ky virus. I njëjti është duke u trajtuar në Klinikën Infektive në Prishtinë. Lajmi është konfirmuar nga Sali Ahmeti, doktor në këtë klinikë. Ai ka thënë se pacienti është pranuar në gjendje të rëndë shëndetësore, mirëpo sipas tij, pas një trajtimi intensiv, gjendja e pacientit është përmirësuar dukshëm.
“Analizat kanë konstatuar se pacienti ka qenë i prekur nga ethet hemorragjike, por pas një trajtimi intensiv, ai është në gjendje më të mirë dhe shumë shpejt pritet të lirohet”, ka thënë Ahmeti. Ky është rasti i parë për këtë vit në Kosovë, që është prekur nga ethet hemorragjike e njohur edhe si Krime Kongo. Edhe Instituti Kombëtar i Shëndetit Publik ka konfirmuar se rezultatet e analizave kanë vërtetuar se pacienti është prekur nga ethet hemorragjike.
Drejtori i këtij instituti, Naser Ramadani, ka thënë se analizat e bëra kanë rezultuar pozitive. “Rezultatet nga analizat e marra nga pacienti kanë dal pozitive”, ka thënë Ramadani për “Tribunën”, duke shtuar se helmimi i pacientit nuk ka ndodhur nga pickimi i rriqrave.Ethet hemorragjike janë kthyer në Kosovë. R. Z. nga fshati Senik i Malishevës ditë me parë është prekur nga ky virus. I njëjti është duke u trajtuar në Klinikën Infektive në Prishtinë. Lajmi është konfirmuar nga Sali Ahmeti, doktor në këtë klinikë. Ai ka thënë se pacienti është pranuar në gjendje të rëndë shëndetësore, mirëpo sipas tij, pas një trajtimi intensiv, gjendja e pacientit është përmirësuar dukshëm.
“Analizat kanë konstatuar se pacienti ka qenë i prekur nga ethet hemorragjike, por pas një trajtimi intensiv, ai është në gjendje më të mirë dhe shumë shpejt pritet të lirohet”, ka thënë Ahmeti. Ky është rasti i parë për këtë vit në Kosovë, që është prekur nga ethet hemorragjike e njohur edhe si Krime Kongo.
Edhe Instituti Kombëtar i Shëndetit Publik ka konfirmuar se rezultatet e analizave kanë vërtetuar se pacienti është prekur nga ethet hemorragjike.
Drejtori i këtij instituti, Naser Ramadani, ka thënë se analizat e bëra kanë rezultuar pozitive.
“Rezultatet nga analizat e marra nga pacienti kanë dal pozitive”, ka thënë Ramadani për “Tribunën”, duke shtuar se helmimi i pacientit nuk ka ndodhur nga pickimi i rriqrave.