Shkruan: Bekim Rexhepi
Pasi nuk polli FAK-u, nga gjithë ajo nxehje dhe djerse koti, polli mjeshtëria e regjimit të mafisë brenda qeverisë dhe PDK-së. Cila qe kjo mjeshtri? Kjo mjeshtëri qe duket se është më shumë “kuzhinë e kuqe”( e Hajredin Kuqi-it), për shpërndarjen e kuvendit të Kosovës, sikur fajtori ishte ay dhe jo qeveria dhe shefi jo fatlum, qe nuk e përmblodhi as këtë herë fundin e mandatit të plotë të qeverisë. Po, mjeshtërisë së shpërbërjes së kuvendit këtë radhe i parapriu solidariteti i Isës apo i LDK-së. Isa me humbjen më sfiduese në Prishtinë, jo më ndryshe do të mund të vepronte tani kur skena politike u rrokullis me një kureshtje publike.
Marrëveshjet tinëzare të Hashimit dhe të Isës, nuk duken pa gjasa e shpresa. Ata ma në fund duket se i ranë mbas vetit, mbas fatit të tyre, në këtë rrokullisje politike, zgjodhën më herët të parapëlqejnë, e të parapërcaktojnë fatet e tyre politike për të ardhmen.
Ndërsa, Albini e Ramushi tu e ditë mashtrimin qe po u bahet nga Isa, i ranë tupanit, aq fort i ranë me e rrëzua qeverinë dhe jo kuvendin. Po mbasi marrëveshja u bë pa ta, atyre veç u mbet me e votua mjeshtrin fikse Thaçi-Isa, për shpërndarjen e kuvendit, e kjo u bë, kuvendi ra, e qeveria mbeti edhe për do ditë.
Të saktësojmë edhe diçka LDK-ja me solidaritetin e saj, u afrua më shumë më pozitën, me PDK-në, se sa që do të duhej të mbetej me opozitën VV-në dhe AAK-në. Ndërsa, ne fakt një koalicioni tashmë është ndërtuar me shpërbërjen e kuvendit dhe jo me rrëzimin e qeverisë Thaçi, pra solidariteti i LDK-së me iniciativën e më hershme të PDK-së, duket se këtë rezultat prodhoj para kohe për të ardhmen.
Zgjidhjet e reja do të mund të skandalizohen nëse elektorati shqiptar vazhdon të besoj në marrëveshjen e fshehur dhe tinëzare ndërmjet Thaçit e Isës.
Vetëvendosja dhe Aleanca për Ardhmërinë e Kosovës ne momentet e fundit u afruan më shumë se kurrë me qëndrimet për ta dënuar keqqeverisjen, kjo ndofta është edhe një shenjë e mirë qe këto dy subjekte të ofrohen, pasi nga radhët e AAK-së është larguar edhe Ramiz Kelmendi, një person kundërthënës brenda kësaj partie.
Edhe një këshillë për LDK-në, nëse PDK-ja ka luajtur aq shumë me LDK-në duke e shantazhuar dhe duke e vënë shpesh në mashtrime, tani duket se e ka mundësin, radhën t’ia kthej lëmshin duq PDK-së, duke e lënë edhe pa kapëse..